Hui topa - Tupuranga Ngaio
Kia hiwa rā! Kia hiwa rā!
Ko te reo pōhiri tēnei o te Matatū Aotearoa ki ngā kaiako, ki ngā tumuaki, ki ngā kaihautū ngaio – kia whakauru mai ki ngā Hui Tautopa (hui zoom) e rua, e pā ana ki te kaupapa hou o te Huringa Tipuranga Ngaio.
1. Ka honoa atu koe ki ngā hui tautopa: Huringa Tipuranga Ngaio
2. I konei, me hono atu koe ki te Rā e hiahia ana koe, ā, ka tae atu koe ki te wharangi rēhita o ‘Eventbrite’. Kaore he waatea.
3. Heoi, kia tata atu ki te rā o te hui tautopa, ka tukuna atu te hono tautopa e te Matatū Aotearoa, ki a koe.
He huihuinga ēnei hei whakamārama, hei matapaki i ngā āhuatanga, i ngā pānga o te Huringa Tipuranga Ngaio ki ngā kaiako. Ka mutu, e hāngai pū ana te kaupapa nei ki Ngā Parewa mō te Umanga Whakaakoranga me te Tiwhikete Whakaakoranga o te kaiako. He wā…
- ka kōrerohia, ka matapakihia te kaupapa o te huringa tipuranga ngaio;
- ka tirohia te māramatanga ki Ngā Paerewa i roto i tōu ake taiao whakaakoranga;
- ka āta wetewetehia te tukanga o te whakatau i te whakahoutanga o te tiwhikete whakaakoranga o te kaiako;
- ka whai wā hoki koe ki te whakawhiti kōrero ki ētahi atu o ngā kaiako, tumuaki, kaihautu ka uru mai ki ngā hui tautopa nei;
- ka taea te tuku pātai ki ngā kaiwhakahaere o te kaupapa.