Ngā Kaihora Akoranga Tuatahi mō Te Kaiako Arareo Māori (ITE)
Me mātua whakatutuki ngā kaihora hōtaka akoranga tuatahi mō te kaiako Arareo Māori i ngā whakaritenga e tautuhitia ana, e whakahaeretia ana hoki e Matatū Aotearoa.
Ngā whakaritenga hōtaka
Tīkina atu he tārua matihiko o Te Whare o Rongotauira
He mea āta hoahoa Te Whare o Rongotauira kia whakanuia te ao Māori, me ngā whakaaro Māori, te mōhio, ngā mahi Māori hoki. He mea nui kia whai wāhi ngā ITE Arareo Māori ki te whakamārama i ā rātou tikanga hoahoa hōtaka, whakawhanake hōtaka hoki, mā ngā huarahi whakaahua i ō rātou whakaaro motuhake, mōhiotanga, mahi motuhake.
Hei whakaputa ēnei whakaritenga mō te whakamana hōtaka, te aroturuki me te arotake i ngā kaiako tohu hou ka tū māia, ka matatau hoki ki te reo Māori, ki ngā tikanga Māori me te mātauranga Māori. Ka whai pūkenga, āheinga hoki e huri ai rātou ki te whakaako me ngā pūmanawa, ngā rautaki me ngā pūkenga ka tupu, ka puāwai, i tētahi taiao e tautokona ai rātou, he taiao akoranga, tupuranga ngaio hoki i āta arongia.
Te tono whakaaetanga
Ko tā te tomokanga tuihono ITE hou he whakawātea i ngā kaihora kia tuku tono hōtaka hou i tētahi horopaki toitū. Ka āhei hoki koe ki te whakatika mōhiotanga hoapā, kaihora hoki, te tuku whakawāteatanga ākonga, me te aroturuki i te haere o ngā tono.
Kei raro iho nei ngā ara taketake mō te tono whakaaetanga mō tō hōtaka, tēnā whakapā atu ki te Kaitohutohu Mātāmua o Matatū Aotearoa mō ētahi atu tohutohu, whakamahia hoki te keteutauta kaihora ITE mō ētahi āwhina ina tono.
Kia mārama hoki me whai wāhanga mai tō Kaitohutohu Mātāmua o Matatū Aotearoa i ia pekanga o ēnei hīkoinga taketake, waihoki ngā kaiaromātai o Te Mana Tohu Mātauranga (NZQA) mō ngā PTE, ngā wānanga me ngā tono mai i ngā kuratini.
- Ngā mahi hoahoa hōtaka tuatahi - te whakatāhuhu i tētahi anga ariā mō te akoranga tuatahi mō te kaiako me te mahi tahi me ngā hoa kōtui kia mārama ki ngā hiahia o te katoa mō te hōtaka.
- Ngā mahi hoahoa hōtaka hōhonu - ka kōrero tahi me ngā hoa kōtui o te hōtaka mō ngā āhuatanga pēnei me te aromatawai i te hōtaka, ngā kai o roto, te horanga, me te tomokanga.
- Te tāpae tuhinga hōtaka - ka tukua katoatia mai ngā tuhinga ki Matatū Aotearoa (waihoki Te Mana Tohu Mātauranga (NZQA) mō ngā kaihora mā Te Mana e whakaae tahi) mā te tomokanga ITE o Matatū Aotearoa. Ka haere ngā tātaritanga ā-tēpu mahi o ngā tuhinga a Matatū Aotearoa (me Te Mana Tohu Mātauranga (NZQA).
- Ngā Pae: (Mehemea kua ranea ngā tuhinga) I te taha o te kaihora, ka karangatia he hui o ngā mātanga akoranga ngaio kia aromātaia te tono. Mō te nuinga ka karangatia i te hōpuni o te kaihora, engari i ētahi wā ka karanga tuihonotia.
- Ka tuku te pae i tētahi tono ki Matatū Aotearoa (me Te Mana Tohu Mātauranga, mehemea e tika ana) kia whakaae rānei, kia whakaae me ētahi here rānei, kia whakakāhoretia rānei te tono.
Takiuru ki te tomokanga kaihora ITE
Tā te tomokanga tuihono ITE hou he whakawātea i te ara mō ngā tono hōtaka hou i runga i te ngāwari, i tētahi taiao haumaru hoki. Ka āhei ngā kaitono te whakatika mōhiotanga hoapā, te tāpae whakawāteatanga akonga, whakaroatanga hoki, ka āhei hoki te aroturuki i ngā tono.